Jo beet gayi so baat gayi

Every time Ive read this poem, ive seeked it myself. And it has never failed me.

Jo beet gayi so baat gayi

Jeevan mein ek sitara tha
Maana woh behad pyara tha
woh toot gaya to toot gaya
Ambar ke aanan ko dekho
Kitne iske tare toote
Kitne iske pyare choote
Par bolo toote taron par
Kab ambar shok manata hai

Jo beet gayi so baat gayi

Jeewan mein tha who ek kusum
The us pe nitya nichawar tum
Woh sookh gaya to sookh gaya
Madhuwan ki chaati ko dekho
Sookhi kitni iski kaliyan
Jo murjhai phir kahan khili
Par bolo sookhe phoolon pe
Kab madhuvan shok manata hai

Jo beet gayi so baat gayi

Jeewan mein madhu ka pyala tha
Tumne tan man de daala tha
Woh toot gaya to toot gaya
Madiralay ka aangan dekho
Kitne pyaale hil jaate hain
Gir mitti mein mil jate hain
Jo girte hain kab uthte hain
Par bolo toote pyalon pe
kab madiralay pachtata hai

Jo beet gayi so baat gayi

Mridu mitti ke hain bane huye
Madhu ghat phoota hi kartein hain
Laghu jeewan leke aaye hain
Pyale toota hi karte hain
Phir bhi madiralay ke andar
Madhu ke ghat madhu ke pyale hain
Jo madakta ke mare hain
Woh madhu loota hi karte hain
Woh sachcha peene wala hai
Jiski mamta ghat pyalon par
Jo sachche madhu se jala hua
Kab rota hai chillata hai

Jo beet gayi so baat gayi

- Harivansh Rai Bachchan

Published with Blogger-droid v1.7.4